Náði mynd af þessum hörkukalli í vinnunni
úti á reginhafi. Hann heldur í kaðal og hinum megin á kaðlinum er félagi hans að kafa eftir skelfiski. Engin net eða botnvörpur hér, allt tínt í höndunum til að vernda náttúruna, enda gríðarlegt dýralíf allt í kring og greinilega mikil fæða í sjónum. Dýptin þarna hlýtur að vera þó nokkur, því við vorum ansi langt frá landi þarna. Þorpið, Paracas er líka sjávarrétta-þorp, eiginlega ekkert annað í boði en fiskur á veitingastöðunum, sem okkur Gauja fannst fínt, en guttunum fannst nóg komið þegar þeim var boðinn steiktur fiskur í morgunmat! Gaui þáði boðið og sagði eftirá að þetta væri besta matar-byrjun á degi sem hann hefði prófað lengi!
No comments:
Post a Comment